M-Media
ချမ်းငြိမ်းအေး
- Daily Eleven News
အကြမ်းဖက်ခံရသူတွေဟာ အစ္စလာမ်သာသနာကို သက်ဝင်ယုံကြည်ကြတဲ့ ကမန်တိုင်းရင်းသား အများစုပါ။
“မွတ်စလင်မ် အကြမ်းဖက်လို့ Daily Eleven က သုံးထားတဲ့ အသုံးအနှုန်းက ပဋိပက္ခကို ပိုပြီး ကြီးထွားစေတယ်။ အဲဒါကို ကျွန်တော်တို့ လုံးဝ ကန့်ကွက်ကြရမှာပါ။ အဲဒီ သတင်းတွေက ပြောင်းပြန်ဖြစ်နေတယ်။ ဖြစ်စဉ် တလျှောက်လုံးမှာ ကျွန်တော်တို့ (အစ္စလာမ်ဘာသာဝင် တိုင်းရင်းသား) တွေက ခံနေရတဲ့ အနေအထားပဲရှိတယ်။ ကျွန်တော်တို့ ၅-ရွာပေါင်းမှ ရခိုင်တွေ ၂-ရွာလောက်တောင်မရှိဘူး။ သူတို့တွေ ရွာ ၅၀-နီးပါးလောက်က ကျွန်တော်တို့ကို ၀ိုင်းထားတာ။ ကျွန်တော်တို့မှာ ထွက်ပေါက်လည်း မရှိဘူး။ ကျွန်တော်တို့က တိုက်ခိုက်နိုင်တဲ့ အရည်အချင်းလည်းမရှိဘူး။ အင်အားလည်း မရှိဘူး။” လို့ သံတွဲ ဒေသခံတစ်ဦးက ပြောပါတယ်
ကမန်တိုင်းရင်းသား လူမှုကွန်ရက်မှလည်း “မြန်မာပြည်က ဂျာနယ်တွေ၊ စာစောင်တွေအများစုက တဘတ်သက်ဆန်ဆန်၊ တဘက်စောင်းနင်းနဲ့ သတင်းအမှောင်ချတဲ့ပုံစံ ရေးနေတယ်။ တကယ်ဒေသခံမဟုတ်တဲ့ လူတစ်ယောက် ဂျာနယ်တွေ စာစောင်တွေ ဖတ်တဲ့အခါ ဗုဒ္ဓဘာသာဝင် ရခိုင်တွေပဲ သေဆုံးသွားပြီဆိုပြီးတော့ မုန်းတီးရေး ဘက်ကို ရောက်လာပြီး မွတ်စလင်မ်တွေက အကြမ်းဖက်တဲ့ပုံစံမျိုး ထင်ယောင် ထင်မှားဖြစ်အောင်လုပ်ဆောင်တာပဲလို့ ကျွန်တော်တို့ သတ်မှတ်ပါတယ်”လို့ ပြောခဲ့ပြန်ပါတယ်။
မြန်မာနိုင်ငံမှာ ၂၀၁၂-ခု ဇွန်လကနေစပြီး အခု ၂၀၁၃-ခု အောက်တိုဘာလအထိ အကြမ်းဖက်ခံနေရတာ တွေဟာ ဘာသာရေးကို အကြောင်းခံတဲ့ နိုင်ငံရေးလှည့်ကွက်တစ်ခုဆိုတာ လက်ခံပါတယ်။
အများစုက သုံးနှုန်းကြတာကတော့ ဘာသာရေးပဋိပက္ခပေါ့။ ဒါဟာ တကယ်တော့ ဘာသာရေးပဋိပက္ခမဟုတ်ပါဘူး။ ပဋိပက္ခဆိုတဲ့ စကားလုံးက နှစ်ဦးနှစ်ဘက် အပြန်အလှန်ဖြစ်ပွားမှသာ ပဋိပက္ခလို့ ခေါ်ပါတယ်။ တဘက်စောင်းနင်း အကြမ်းဖက်ခံရတာကိုတော့ ပဋိပက္ခလို့ ခေါ်ဆိုလို့ မရနိုင်ပါဘူး။
၂၀၁၂-ခု ဇွန်လမှာ ရခိုင်အရေးကိစ္စ စဖြစ်တယ်။ ခိုးဝင်ဘင်္ဂါလီဆိုတဲ့အသုံးအနှုန်းနဲ့ အကြမ်းဖက်မှုစလုပ်ခံရတယ်။ ဘယ်သူတွေကို ပစ်မှတ်ထားခဲ့သလဲ။ အဓိက မွတ်စလင်မ်တွေကိုပါ။ နောက် တကျော့ပြန်ရခိုင်အရေးကိစ္စ၊ အဲဒီကနေ မိတ္ထီလာ၊ ပဲခူးတိုင်းအနောက်ခြမ်း ဒေသ၊ လားရှိုး၊ ဥက္ကံ၊ ကန့်ဘလူ၊ နောက်အခု သံတွဲ(ရခိုင်)၊ ဒီနေရာတွေ ဖြစ်သမျှကို ကြည့် လိုက်ပါ အကြမ်းဖက်ခံရတဲ့ သေဆုံးသူ၊ အိုးအိမ်စည်းစိမ် လက်မဲ့ဖြစ်ရသူ၊ ဒုက္ခသည်တွေအဖြစ်နဲ့ CAMP တွေမှာ ရောက်ကုန်သူတွေက အစ္စလာမ်ဘာသာသက်ဝင်ယုံကြည်သူ မွတ်စလင်မ်တွေ အများစုပဲဖြစ်နေပါတယ်။ သူတို့တွေဟာ မြန်မာ့မြေမှာမွေး၊ မြန်မာ့မြေမှာ ကြီးပြင်းခဲ့ပြီး၊ မြန်မာနိုင်ငံကို အဆက်ဆက် ချစ်မြတ်နိုးခဲ့ကြတဲ့ မြန်မာနိုင်ငံသားတွေပါ။
မွတ်စလင်မ်တွေပဲ ဒုက္ခသည်အဖြစ်ရောက်ကုန်ကြသလားဆိုတော့ ရခိုင်၊ ဗမာ ဗုဒ္ဓဘာသာတွေလည်း သေကြေ ထိခိုက်ဒဏ်ရာရသူ တချို့လည်းရှိပါတယ်။ ဒါကတော့ အကြမ်းဖက်ခံရသူတွေက ပြန်လည်ခုခံတဲ့အခါမှာ ပြန်ပြီး ထိခိုက်ကုန်ကြတာပါ။ မြန်မာနိုင်ငံသားတွေရဲ့ နှလုံးသားဟာ ပင်ကိုယ် အများအားဖြင့် နူးညံ့ပါတယ်။ အဲလို နူးညံ့တဲ့ နှလုံးသားတွေမှာ အရိုင်းစိတ်တွေ ၀င်လာစေတာက တခြားဘာသာတရားတခုကို မုန်းတီးစိတ်ဝင်လာအောင် မှိုင်းတိုက်ပေးမှုကြောင့်ပါပဲ
ဗုဒ္ဓဘာသာအအများစုနေထိုင်တဲ့ တိုင်းပြည်၊ ဘုန်းကြီးတစ်ပါးရဲ့ ဟောပြောမှုမှာ ကြည်ညိုတတ်လွန်းလှတဲ့ တိုင်းပြည်မှာ ဒီလို မှိုင်းတိုက်ခံရတာတွေ များလာတော့ ဘာမှန်းမသိတဲ့ အကြောက်တရားက လွှမ်းမိုးလာတယ်။ ဒါနဲ့ပဲ အကြောက်တရားဖြစ်လာတဲ့ ဘာသာအပေါ် သက်ဝင်ယုံကြည်သူတွေကိုပါ မုန်းတီးစိတ်တွေ ဖြစ်လာတယ်။ ဒါကတော့ ဘာသာရေးအရ မှိုင်းတိုက်မှုပါ။
တဘက်က နိုင်ငံရေးအရ မှိုင်းတိုက်မှုတွေကတော့ အကြမ်းဖက်မှုတွေ ဖြစ်လာတိုင်း ဒေါသဖြစ်နေတဲ့ လူအုပ်ကြီးဆိုတာကို မထိန်းသိမ်းနိုင်တဲ့ အာဏာပိုင်အဆင့်အဆင့်ကရော ဒီအကြမ်းဖက်မှုတွေမှာ ပါဝင်ပတ်သတ်မှု ရှိနေမလားလို့ တွေးလာမိကြတော့မှာပါပဲ။
ဒါ့အပြင် နိုင်ငံတစ်ခုရဲ့ စတုတ္ထမဏ္ဍိုင်လို့ပြောကြတဲ့ မီဒီယာတွေကနေ တဖက်စောင်းနင်း ရေးသားချက်တွေ ဟာလည်း ဘာသာရေး လူမျိုးရေးအရ အမုန်းတရားတွေ ပွားများလာဖို့ တမင် အကွက်ချ လုပ်ဆောင်နေတာတွေ ဖြစ်နေတာတွေကို ကွက်ကွက်ကွင်းကွင်း မြင်နေရပါတယ်။ အခု ဖော်ပြထားတဲ့ အလဲဗင်းလို သဗွိုက်လို ဂျာနယ်တွေ၊ မီဒီယာတွေကတော့ Hate speech လုပ်ဆောင်ရာမှာ မီဒီယာကျင့်ဝတ် ချိုးဖောက်ရာမှာ ထိပ်ဆုံးအဆင့်က ရှိနေပြီး ဒီလိုမီဒီယာတွေကို မတားဆီးနိုင်တဲ့ နိုင်ငံတော်ကိုလည်း ဘယ်သူက ယုံကြည်နိုင်ပါတော့မလဲ။
ဒီလို အကြမ်းဖက်မှုတွေဖြစ်နေရတာဟာ တရားဥပဒေ စိုးမိုးမှု မရှိလို့ပါ။ နိုင်ငံတော်ကို အမှန်တကယ် ချစ်မြတ်နိုးတဲ့ သူတိုင်းက တရားဥပဒေ စိုးမိုးရေးအတွက် ၀ိုင်းဝန်းဆောင်ရွက် အကောင်အထည် ဖော်သင့်ပါတယ်။
ဒီနေ့ တွေ့လိုက်တဲ့ Eleven Daily မှာတော့ တောင်းပန်အပ်ပါသည်ဆိုတဲ့ ခေါင်းစဉ်နဲ့ မွတ်စလင်မ်အကြမ်းဖက်သမားများ ဟူသော စကားလုံး သုံးနှုန်းမှုအတွက် တောင်းပန်အပ်ပါသည်၊ သက်ဆိုင်ရာ အယ်ဒီတာများကို အရေးယူပြီးဖြစ်ပါကြောင်း အသိပေးအပ်ပါသည်ဆိုတာကို ဖတ်လိုက်ရပါတယ်။ ဒါပေမယ့် အလဲဗင်းက ဒီလိုကိစ္စရပ်တွေမှာ မတော်တဆမှားယွင်းတာမျိုးမဟုတ်ပဲ တမင် အဓိကရုန်း ပြဿနာဖြစ်စေအောင် ဖန်တီးလှုံ့ဆော်ကို အမြဲလိုလို ဖန်တီးတတ်တာအောင် နောက်ပိုင်း သတင်းတွေမှာ သတိထားပေးစေလိုပါတယ်။ နိုင်ငံတော် တာဝန်ရှိသူတွေ အနေနှင့်လည်း မီဒီယာကျင့်ဝတ် ဖောက်ဖျက်နေမှုတွေကို တားဆီးဟန့်တား အရေးယူမှုတွေ ပြုလုပ်သင့်ပါတယ်။
နိုင်ငံကို ချစ်မြတ်နိုးသူမှန်ရင် ဘာသာရေး လူမျိုးရေးအရ မလိုမုန်းထား၊ အကြမ်းဖက်မှုတွေ၊ မှိုင်းတိုက်မှုတွေ၊ စစ်ဆင်နွှဲနေတာတွေကို ရပ်တန့်ပြီး နိုင်ငံရဲ့ အဓိက ပြဿနာကို လက်တွေ့ ဓမ္မဓိဋ္ဌာန်ကျကျ တွေးတောသုံးသပ်ရင်း ၀ိုင်းဝန်းလက်တွဲမှသာ ခေတ်မီဖွံ့ဖြိုးတိုးတက်တဲ့ နိုင်ငံတော်သစ်ဆီကို လှမ်းတက်နိုင်မှာဖြစ်ကြောင်း သုံးသပ်လိုက်ပါတယ်။